Skráðu þig til að fá 10 hugmyndir af góðum og einföldum millimáltíðum

Því miður þá gekk þetta ekki. Prófaðu aftur á morgun

Snilld, við sendum þér ýmistlegt skemmtilegt í framtíðinni

Um okkur

 Hugmyndin að FitSuccess kviknaði árið 2009.
En á þeim tíma vorum við (Katrín Eva og Maggi Bess)
bæði að keppa í Fitness og Vaxtarrækt.

Við fengum fjöldan allan af fyrirspurnum um ráðleggingar varðandi æfingar og mataræði en þá var fjarþjálfun eða ráðgjöf í gegnum netið tiltölulega ný af nálinni.

Við vorum dugleg að svara þeim sem til okkar leituðu og gefa ráð, en ráðin breyttust fljótt í uppsetningu á æfingum og mataræði. Þegar ég var svo farin að eyða öllum frístundum mínum í að svara tölvupóstum og fann fyrir þakklætinu og hversu gefandi það var, hugsaði ég að það væri frábært að gera eitthvað meira úr þessu stóra sameiginlega áhugamáli okkar Magga.

Allt sem þú tekur þér fyrir hendur, gerðu það vel

Ég ólst upp við þessi orð og hef haft þau að leiðarljósi í gegnum allt þetta ferli.

Mig langaði að útbúa "concept" þar sem ég næði til kynsystra minna sem vildu tileinka sér okkar lífstíl óháð búsetu.  Ég safnaði saman öllum þeim atriðum sem ég vildi ná fram ef ég myndi opna þjálfun og skrifaði þau niður og vann útfrá því. Hugmyndin gerjaðist í langan tíma, þar til ég tók af skarið og BYRJAÐI í júlí 2010. Viðbrögðin voru svo mögnuð að það varð ekki aftur snúið.

Frá fyrsta degi vildi ég fara mínar leiðir í því hvernig þjálfunin ætti að vera og hef haft það sem markmið að vera stöðugt að bæta það sem betur má fara.

Ég hafði enga fyrirmynd að því sem ég vildi gera, sem ég gat tengt við og fór því í ákveðið frumkvöðlastarf. Það hafa komið ansi margar útgáfur af þjálfuninni, sem þróast eftir viðbrögðum og árangri.

Fleiri þjálfarar í lið með okkur

Í lok ársins 2011 hóf ein af okkar fyrstu kúnnum, Alexandra Sif störf hjá okkur. En Alexandra hefur verið stórkostleg viðbót  í þjálfunina og lagt sitt að mörkum við að að gera þjálfunina að því sem hún er í dag. Hún hefur helgað sig þeim lífstíl sem við kennum og metnaður hennar gagnvart þeim sem leita til okkar er mikill.

Við værum ekki hér í dag, ef ekki væri fyrir allar þær sem hafa leitað til okkar. Við búum á litla Íslandi þar sem orðspor skiptir miklu máli og ákkúrat þannig höfum við byggt þetta upp. Við leggjum gríðarlega mikið uppúr trausti og leggjum metnað í það sem við gerum.  Þjálfunin hefur því vaxið og dafnað síðustu fimm árin og ekkert lát er þar á.

Í byrjun ársins 2015 hóf svo Ingibjörg störf hjá okkur. Það var orðið löngu tímabært að fá inn aukna aðstoð og við erum gríðarlega ánægð að fá hana með okkur í þjálfarastólinn. Hún kemur með skemmtilega nýja nálgun á það sem við kennum, en hún er mannfræðingur að mennt..

Vegna ólíkrar reynslu okkar náum við að skapa sterka þjálfaraeiningu.

Við erum virkilega þakklát fyrir viðtökurnar sem við höfum fengið, stolt af því sem hefur áunnist á undanförnum árum og spennt fyrir því sem koma skal.

Katrín Eva stofnaði FitSuccess ásamt eiginmanni sínum Magnúsi Bess í júlí 2010

Hún er 33 ára gömul, fædd í eyjum, en fluttist í höfuðborgina á unglingsárum og er nú búsett í Setberginu ásamt fjölskyldu sinni.

Katrín Eva er mjög rík þegar kemur að fjölskyldumálum, Maggi maðurinn hennar á tvær dætur úr fyrra hjónabandi, þær Rögnu Dögg og Viktoríu Rós og svo eiga þau þrjú börn saman, Ísabellu, Ísak Auðunn og Birtu. 

Katrín hefur góðan grunn úr íþróttum. Sjálf keppti hún í fitness og náði þar góðum árangri. Það sem að hún segist helst hafa lært af reynslu sinni sem fitness keppandi er að hún sá fljótt hversu auðvelt var að viðhalda góðu formi með því að borða hollt og stunda reglulega hreyfingu. Einnig lærði hún að setja sér markmið og búta það niður í smærri einingar, en báðir þættir er það sem þjálfun FitSuccess gengur út á.

Hún gekk í gegnum þrjár meðgöngur á þremur árum og var því álagið á líkama hennar töluvert. Meðgöngurnar gengu allar eins og í sögu og vill Katrín meina að ástæðan á bak við það sé hversu hraust hún var fyrir meðgöngurnar.

Ásamt því að starfa sem framkvæmdastóri FitSuccess á Katrín í 100% starfi sem móðir og leggur samhliða því áherslu á heilbrigt líferni.

Alexandra hefur starfað hjá FitSuccess frá árinu 2011

Hún er 28 ára Reykjavíkurmær og var einn af fyrstu kúnnum okkar hjá FitSuccess. Hún hefur góðan grunn úr íþróttum en stundaði meðal annars listdans á skautum þegar hún var yngri.

Alexandra er afar metnaðarfull og hefur mest gaman af því þegar hún hefur nóg fyrir stafni. Hún hún störf hjá FitSuccess árið 2011 og hefur frá þeim degi aðstoðað okkur við að gera þjálfunina af því sem hún er í dag.

Alexandra hefur það fyrst og fremst sem markmið að lifa hollum og heilbrigðum lífsstíl allan ársins hring. Hún hefur samhliða þeim lífsstíl keppt bæði í fitnessflokki og módelfitness og hefur náð góðum árangri á því sviði. Það gerir hún sér einna helst til gamans og til þess að takast á við krefjandi verkefni.

Reynslan sem að fylgir slíkum keppnum hefur Alexandra nýtt til efla sér frekari þekkingu á líkamanum og virkni hans. Hún hefur sjálf gengið í gegnum flest það sem við aðstoðum konur við í okkar þjálfun: létt sig, þyngt sig, styrkt sig og tónað. En mikilvægast af því öllu er að hún hefur tamið sér þennan lífsstíl og þannig nær hún að viðhalda forminu allan ársins hring.

Ingibjörg hóf störf hjá FitSuccess í byrjun ársins 2015

Hún er 28 ára gömul. Hún er gift Imad El Moubarik vaxtarræktarmanni og búa þau í Hafnarfirði ásamt hundinum sínum, honum Herkúlesi.

Ingibjörg hefur stundað heilbriðgðan lífstíl í fjölmörg ár og sem barn og unglingur stundaði hún dans og fimleika. Hún greindist ung með gigt og á svipuðum tíma með liðþófameiðsl. Hún þurfti því að hætta þeim íþróttum sem hún hafði stundað vegna álags á hné og hóf því að æfa sjálf í heilsurækt. Hún hafði góðan grunn úr fimleikunum og átti ekki erfitt með koma sér af stað og lét ekki meiðslin stoppa sig. Sjálf segir hún að best sé að hlusta á líkamann og læra vel inná hann en öll erum við mismunandi að gerð og stærð.

Með tímanum jókst þekkingin og hefur hún ásamt eiginmanni sínum sem er einnig einkaþjálfari þróað saman heilbriðgan lífstíl sem þau fylgja allan ársins hring og hafa gaman af. Hún hefur ávallt verið mikil keppnismanneskja sama hvort það er í íþróttum, námi eða almennt í lífinu. Ingibjörg bjó hún á Spáni í 6 ár og kynntist þar miðjarðarhafs matarræðinu vel og blandar því saman við fyrri kunnáttu á hollu matarræði í sínum lífstíl.

Hún hefur lokið meistaranámi í mannfræði við Háskóla Íslands með fyrstu einkunn ásamt viðbótardiplómu í hagnýtum jafnréttisfræðum. Mannfræðingar láta allt sem að tengist mannveruna skipta sig máli, sama hvort það er líffræðilegt, sálfræðilegt, menningarlegt eða félagslegt. Allar þær hliðar sem við komum inná í þjálfuninni okkar. Ingibjörg hefur lagt áherslu á líkamann og valdeflingu kvenna sem stunda íþróttir í námi sínu og finnst fátt skemmtilegra en að deila með kynsystrum sínum hollum og heilbrigðum lífstíl sem hún hefur sjálf tamið sér.

Stefna og gildin okkar

Stefna

  • Vera góðar fyrirmyndir.
  • Þetta er sameiginlegt gæluverkefni sem byggist á reynslu okkar og áhuga og er okkar framlag til sportsins sem og heilsu"markaðarins"
  • Við viljum stuðla að því að sem flestir læri réttar aðferðir frá fyrstu hendi og setji sér raunhæf skrifleg markmið.
  • Við viljum sérstaklega ná til almennings, enda vitum við að áhuginn er svo sannarlega fyrir hendi.
  • Við viljum sjá byltingu í ræktinni og sjá allar konur hætta að hanga endalaust á brennslutækjunum og snúa sér að lóðaæfingum til að byggja upp styrk, móta líkamann og auka brennsluna.
  • Við viljum stuðla að því að kúnnar okkar leggi sig 100% fram af þeirri ástæðu að þeir viti að þeir uppskeri árangur erfiðis.
  • Við viljum að fólk hafi hreyfingu og hollt mataræði sem lífstíl, fremur en skyndilausn.

Gildi

 

  • Útbreiða okkar aðferðir til að móta líkamann  með þjálfun, námskeiðum, pistlum, myndmiðlun og blaðagreinum.
  • Auka áhuga almennings og fjölmiðla á okkar sporti
  •  Hafa gaman að því að hjálpa fólki og fara sjálf eftir því sem við kennum öðrum
  • Stuðla að jákvæðu viðhorfi og vinnuanda
  •  Taka gagnrýni og athugasemdir annarra og nýta þær til aukins þroska og blóma
  • Byggja upp heiðarleg sambönd við viðskiptavini.
  • Vinna af ástríðu og ákveðni að þeim gildum og stefnu sem hér eru

 

 

Instagram

Skráðu þig núna!

Skráning